Вашето тело поседува моќ да го регенерира и лекува ткивото на сите делови од вашата кожа.Матичните клетки го прават тоа секојдневно во текот на вашиот живот.PRP терапија за подмладување со матични клетки,позната е и како третман за подмладување со сопствена крв.Тоа е зафат кој ја користи моќта на лекување која ја имаат тромбоцитите и факторите на раст во крвта,како би се стимулирала реакцијата на матичните клетки.Матичните клетки помагаат во создавање на нов колаген и крвни садови,во обновување и подобрување на оштетената кожа и го успоруваат и ги бришат знаците на стареење.Повеќе од 30 години крвната плазма богата со тромбоцити со успех и препораки се користи при процесите на побрзото заздравување на ткивото,особено во ортопедијата и кардиологијата.Од 2005 година PRP плазма третманот се користи и во естетската дерматологија,благодарение на многубројните growth фактори кои ги содржи добиениот серум.
ОПИС НА ТРЕТМАНОТ
PRP терапија за подмладување со матични клетки е револуционерна метода при која се употребува минимална количина од вашата крв за подмладување на кожата.PRP подразбира одвојување на клетки и протеини кои се наоѓаат во крвта и нивно вбризгување во кожата.На тој начин се подобрува обновувањето на кожата и поткожното ткиво.Дел од крвта по кој методата го добила своето име е PRP (Platelet Reach Plasma) или во превод – плазма богата со тромбоцити.Со оваа постапка на природен начин ја поттикнуваме регенерацијата и подобрувањето на ткивото на лицето,ги намалуваме брчките и го подобруваме тонусот на кожата на лицето и на останатите делови на телото.Во PRP-то,покрај тромбоцитите се наоѓаат и факторите на раст и вашите матични клетки,кои понатаму го стимулираат процесот на обновување.Бидејќи при овој третман се користи вашата крв,не постои можност за нус појави.Третманот е во потполност нетоксичен,хипоалерген и не бара време за опоравување.
КАНДИДАТИ
При консултација со лекарот се проценуваат потребите кај секој клиент одделно,и се одредува најоптимален третман или комбинација од третмани.
PRP терапија за подмладување со матични клетки се користи за:
-намалување на мимичните брчки
-успорување на процесите на стареење
-зголемување на тонусот на кожата
-подобрување на релјефот на кожата
-отстранување на хиперпигментации
-лекување на акни
-намалување на постакни
-намалување на подочници
-подобрување на тенот на кожата
-отстранување на десквамација,сувост и чешање на кожата
-заздравување на микротрауми
-зголемување на локалниот имунитет на кожата
-подмладување на кожата на дланките и интимната регија
-третирање на стрии
-лекување на целулит
-поттикнување на раст на коса.
ПОДГОТОВКА
Пред самиот третман докторот со стандардна процедура вади 8мл од вашата крв.Болката која ќе ја почувствувате е еднаква на класичното вадење на крв.Потоа,со посебна техника,односно машина,крвта се центрифугира со голем број на вртења,при што се издвојува плазмата од останатите крвни елементи.
ТЕК НА ТРЕТМАНОТ
Вашите клетки се вбризгуваат во опуштената кожа и/или во брчките.Се користат многу мали игли,кои се слични на иглите за мезотерапија.Зависно од ефектот кој сакаме да го постигнеме,плазмата се вбризгува во поплитките или подлабоките слоеви на кожата.Првите резултати се видливи после првиот третман,но според искуство во примената на оваа метода,се препорачуваат 3 третмани на растојание од еден месец.Постапката потоа може да се повтори по 12 месеци.
ОПОРАВУВАЊЕ
Непосредно после третманот можна е појава на црвенило,оток или минимална болка во подрачјето кое е третирано.Симптомите се губат после неколку часа.Пациентите веднаш после третманот се враќаат на секојдневните активности.
Нагласувам дека при примена на оваа метода нема никакви резови или лузни,бидејќи се работи со инјекциски убоди.
Неколку недели после третманот видливо е општо подобрување во хидратацијата,структура и тонусот на кожата.По 3-6 недели започнува создавањето на новиот колаген и крвни садови,а во наредните 3-6 месеци се губат несаканите линии и брчки на кожата.Ефектите од терапијата се индивидуални и можат да траат од 12 месеци до две години.
МЕРКИ НА ПРЕТПАЗЛИВОСТ
PRP терапија за подмладување со матични клетки е едноставен и сигурен третман.Со оглед на тоа што PRP се издвојува од вашата крв,не постои можност за пренесување на болести,алергии или имунолошки реакции.
PRP терапијата не се применува во случај на тромбоцитопенија,автоимуни заболувања,бременост,хронични заболувања на црниот дроб,пациенти на антикоагулантна терапија.
ТРЕТМАН ВО Anti Aging Center by PROMOITALIA
PRP третманот во Anti Aging Center by PROMOITALIA подразбира подготовка,постапка и контрола после 2 недели, доколку е потребно.Пред самиот третман се одредуваат приоритетите,кои зони клиентот сака да ги третираме,а доколку после апликацијата на саканите регии остане доволно плазма,по желба се третираат и другите делови на лицето или телото.Од една епрувета се добива околу 4 мл плазма што е доволно за третирање на лице,врат,деколте и дланки.
Уникатноста на оваа метода во нашиот Центар е во додавањето на ДНК активаторот,кој ги активира факторите на раст и ги забрзува и пролонгира ефектите на третманот.
PRP третманот го користиме како самостојна процедура,но и во комбинација со мезококтели,хијалуронски филери,хемиски пилинзи,фракционен ласер и лифтинг со конци.
СЕКОЈ МЕСЕЦ ANTI AGING CENTER BY PROMOITALIA ГИ РАДУВА СВОИТЕ ПАЦИЕНТИ СО ПОПУСТИ НА НЕКОЛКУ ТРЕТМАНИ.ИНФОРМАЦИИТЕ ЗА МОМЕНТАЛНИТЕ АКЦИИ МОЖЕТЕ ДА ГИ ВИДИТЕ НА НАШИОТ САЈТ www.antiagingcenter.mk ИЛИ НА ФЕЈСБУК СТРАНИЦАТА : Anti Aging Center by Promoitalia.
Олгица Стојимировиќ
Сопственичка на Аnti Aging Center by Promoitalia,Скопје
https://www.facebook.com/AntiAgingCenterMK/
https://www.instagram.com/antiagingmk/
